🚨 साई संस्थान शैक्षणिक संकूलात गांजाचे धूम्रपान करणारा सुरक्षा रक्षक निलंबित! 🚨

🔻 #SaiSansthan #गांजासकाळ #SecurityScandal #शिर्डीबातमी #Rashtranama #BreakingNews 🔻

शिर्डी – साई बाबा संस्थानच्या शैक्षणिक संकुलात कार्यरत एका सुरक्षा रक्षकाकडून ड्युटीवर गांजाचे धूम्रपान केल्याचा गंभीर प्रकार समोर आला आहे. संदीप अरविंद मिरजकर (कायम कर्मचारी, सुरक्षा विभाग) असे या निलंबित केलेल्या सुरक्षारक्षकाचे नाव असून त्याला तात्काळ निलंबित करण्यात आले आहे.

संदीप मिरजकर हा गणवेशात असताना शैक्षणिक संकुल परिसरात खुलेआम गांजा मळत व चिलीम ओढत असल्याचे व्हिडिओ व फोटो सामान्य नागरिकांच्या हाती लागले. या परिसरात दररोज हजारो विद्यार्थी व विद्यार्थिनी ये-जा करत असताना हा प्रकार सर्रास सुरु होता. काही सतर्क पालकांनी हे दृष्य मोबाईलमध्ये कैद करून संबंधित प्रशासनाकडे पाठवले होते.

ही माहिती सामान्य प्रशासन विभागाकडे पोहोचल्यानंतर संरक्षण विभागात तक्रार दाखल झाली. कार्यकारी अधिकारी गोरक्ष गाडीलकर यांनी याची तात्काळ दखल घेत सखोल चौकशी केली. चौकशीत हा प्रकार सत्य आढळल्याने संबंधित सुरक्षा रक्षक संदीप मिरजकर याचे निलंबन तडकाफडकी करण्यात आले.

या प्रकारामुळे संस्थानच्या शिस्तीवर प्रश्नचिन्ह उपस्थित झाले असून, पालक वर्गामध्ये संतापाची लाट उसळली आहे.

📞 बातम्या व जाहिरातीसाठी संपर्क: 8080104442
📲 Follow करा राष्ट्रनामा चॅनेल WhatsApp वर: चॅनेल लिंक
✉️ WhatsApp वर संपर्क: rashtranama.com वर मेसेज करा