• Home
  • ताज्या बातम्या
  • वारकऱ्यांच्या सेवेसाठी कोपरगाव पुढे सरसावलेः ‘समता सहकारी वारकरी बँक’ उपक्रम राबवित समाजसेवेचा नवा आदर्श
Image

वारकऱ्यांच्या सेवेसाठी कोपरगाव पुढे सरसावलेः ‘समता सहकारी वारकरी बँक’ उपक्रम राबवित समाजसेवेचा नवा आदर्श

कोपरगाव (प्रतिनिधी) – आषाढी वारीच्या निमित्ताने पंढरपूरकडे प्रस्थान ठेवलेल्या वारकऱ्यांच्या सेवेसाठी कोपरगाव शहरातील समता नागरी सहकारी पतसंस्था पुढे आली असून, ‘समता सहकारी वारकरी बँक’ या नावीन्यपूर्ण उपक्रमातून वारकऱ्यांच्या आर्थिक आणि गरजेच्या वस्तूंची जबाबदारी संस्थेने स्वेच्छेने स्वीकारली आहे.
विष्णू महाराज केंद्रे यांनी वारकऱ्यांच्या पैशांची आणि वस्तूंची जबाबदारी कोणीतरी घ्यावी, असे आवाहन केले होते. या आवाहनाला प्रतिसाद देत समता पतसंस्थेने हा उपक्रम सुरू केला आहे. या सेवेद्वारे दिंडीत सहभागी झालेले वारकरी आपल्या वस्तू आणि रोख रक्कम सुरक्षित ठेवू शकतात. अत्यावश्यक वेळी ही रक्कम किंवा वस्तू त्यांना सहज उपलब्ध करून दिली जाते.
या उपक्रमाचे विशेष वैशिष्ट्य म्हणजे या सेवेसाठी कोणताही मोबदला आकारला जात नाही. विशेष म्हणजे, एक दिवस जरी रक्कम संस्थेकडे जमा असेल, तरी ८ टक्के व्याजासह ती परत दिली जाते, अशी माहिती संस्थेचे अध्यक्ष ओमप्रकाश दादाप्पा उर्फ काका कोयटे यांनी दिली. या उपक्रमाची दखल घेत राजस्थानचे राज्यपाल महामहीम हरिभाऊ बागडे यांनी प्रत्यक्ष भेट देऊन संस्थेच्या कार्याचे कौतुक केले.
वारकऱ्यांच्या अधिक सोयीसाठी, कोपरगाव तालुका व्यापारी महासंघ आणि कोपरगाव तालुका किराणा मर्चंट असोसिएशन यांच्या संयुक्त विद्यमाने मोफत रेनकोट वाटपाचा उपक्रमही हाती घेण्यात आला आहे. या उपक्रमामुळे वारकऱ्यांना ऊन, पाऊस आणि वाऱ्यापासून संरक्षण मिळाले असून, त्याचा प्रवास सुखकर ठरला आहे. असोसिएशनचे अध्यक्ष राजकुमार बंब, कार्याध्यक्ष सुधीर डागा आणि उपाध्यक्ष चांगदेव शिरोडे यांनी याची माहिती दिली.
‘समता सहकारी वारकरी बँक’ उपक्रम आळंदी ते पंढरपूर या अखंड दिंडी मार्गावर प्रभावीपणे राबविला जात असून, दिंडी क्रमांक ४३ मध्ये सहभागी असलेल्या विष्णू महाराज केंद्रे यांच्या मार्गदर्शनाखाली या उपक्रमाची अंमलबजावणी केली जात आहे. या सामाजिक उपक्रमामुळे वारकऱ्यांच्या चेहऱ्यावर समाधान आणि सुरक्षिततेचा विश्वास दिसून येत आहे. हा उपक्रम समाजसेवेचा नवा आदर्श ठरला आहे.

Releated Posts

कोपरगावमध्ये भव्य धार्मिक उत्सव — श्री सोरटी सोमनाथ ज्योतिर्लिंगाचे दर्शन व श्री जगन्नाथ रथयात्रा; आमदार आशुतोषदादा काळे यांची भक्तिपूर्वक उपस्थिती

कोपरगाव (प्रतिनिधी) – कोपरगाव शहराने अलीकडेच एक अद्वितीय आणि भक्तिमय वातावरण अनुभवले, जेव्हा हजारो वर्षांपूर्वीच्या इतिहासाची साक्ष देणारे…

ByByrashtranamaJun 29, 2025

राजर्षी शाहू महाराज जयंती विशेष : सामाजिक समतेचे पुरस्कर्ते आणि आधुनिक भारताचे शिल्पकार

२६ जून हा दिवस महाराष्ट्रातील आणि भारतातील प्रत्येक समतेप्रेमी नागरिकासाठी अभिमानाचा आणि प्रेरणेचा दिवस आहे. कारण आजच्याच दिवशी,…

ByByrashtranamaJun 26, 2025

🚨 साई संस्थान शैक्षणिक संकूलात गांजाचे धूम्रपान करणारा सुरक्षा रक्षक निलंबित! 🚨

🔻 #SaiSansthan #गांजासकाळ #SecurityScandal #शिर्डीबातमी #Rashtranama #BreakingNews 🔻 शिर्डी – साई बाबा संस्थानच्या शैक्षणिक संकुलात कार्यरत एका सुरक्षा रक्षकाकडून ड्युटीवर…

ByByrashtranamaJun 25, 2025

साप व वन्य प्राण्यांचे रेस्क्यू करणारा सर्पमित्र संदीप (सोनूभैय्या) प्रकाश खिरे , समाजात जागरूकता निर्माण करण्याचा प्रयत्न

राहाता (जि. अहिल्यानगर ) : सोनू भैय्या खिरे हे वन्यजीव रक्षणासाठी राहाता तालुक्यात ओळखले जातात. एक सर्पमित्र आणि…

ByByrashtranamaJun 20, 2025

Leave a Reply

Your email address will not be published. Required fields are marked *

Scroll to Top